ඊයෙත් අහුවෙලා හිටිය මෙයාට වඩා ලොකු එකෙක්....
මෙයාව හෙට උදේට නිදහස් කරනකන් තව පැය දෙක තුනක් මෙයාට කූඩුවට වෙලා ඉන්ඩ වෙනව...
කාගෙ උනත් දරුවෙක්නෙ කියල මම මාරි බිස්කට් දෙකක් පොඟවල පොඩි කෑලි කඩල කූඩුව ඇතුලට දැම්ම.. මූ මං දිහා බලල ටැන්කි්‍යු කිවුව....
මූ හෙන ආඩම්බරේට, රැස්පොට් එකට තමා කූඩුවෙ ඉන්නෙ.. හරියට මහජනතාවට සේවය කරන්ඩ ගිහින් හිරේ ලඟින හිටපු ඇමති කෙනෙක් වගේ...
මාරි බිස්කට් දීපු හින්ද මූ මාත් එක්ක ෆිට් උන හින්ද මන් මූත් එක්ක පොඩි චැට් එකක් දැම්ම...
මම - ඈ බොල මීයො.. තෝ හොරාකන්ඩ ඇවිල්ල අහුඋනාමත් හෙන පොර වගේ නේද කූඩුවෙ ඉන්නෙත්...
මීය - අපි කොහොමත් රැස්පොට් තමා ඕයි.. තමුසෙල පූජා වට්ටි තියල වඳාන ගණ දෙයියො යන්නෙත් අපේ පිටේ තමා.....
මම - අනේ පලයන් ප- යො යන්ඩ, හොරාකන්න ඇවිත් ඉල්ලන් කෙලවගෙන එනව මෙතන පොර ටෝක් දෙන්ඩ...
මීය - අනේ යනව ඕයි යන්ඩ, තමුසෙලට ඉතින් අල්ලන්ඩ පුලුවන් අපි වගේ පොඩි මීයො තමා.. තමුසෙලගෙ ඇමතිල, මන්ත්‍රීල තමුසෙලගෙ බදු සල්ලි බිලියන ගනන් හොරකම් කරනව.. තමුසෙල ඒවට කට පුක වහන් ඉඳල අපි වගේ පොඩි උන් බඩගින්නට කෑම ටිකක් කන්ඩ ආවම අපිට කෙලවනව.....
මම- අඩෝ කැ-ය වහපන් කට...
මීය- මං මොකටද ඕයි කටවහන්නෙ.. මම කියන්නෙ ඇත්තනෙ... තමුසෙල බොරුවට කයිවාරු ගහනව විතරයි.. කරන ප-යක් නෑ.... පහුගිය කාලෙ අරූ හොරා මූ හොරා කිවුවට එකෙක්වත් ඇල්ලුවද නෑනෙ...
මම- දැන් උඹ හදන්නෙ පොර ටොක් දීල විහින් කෙලවගන්ඩ මීයො...
මීය- තමුසෙලට ඇත්ත කිවුවම නං මල පනිනව නේද.. දැන් බලනවකො තමුසෙලගෙ රට කරවන් උන් පොර ටෝක් දීල කෙලවගෙන ඉන්නෙ.. අපි මීයො උනත් වැදගත් විදියට හැදිච්ච උන්.. තමුසෙලගෙ උන් වගේ සක්කිලි වැඩ කරන් නෑ ඕයි අපි....
මම- ඒවෑන් උඹට වැඩක් නෑනෙ.. උඹ හොරා කන්න ඇවිත් මාට්ටු උනා නං එලිවෙනකං හිටාන්.. කට වහගෙන..
මීය- කවුද ඕයි හොරා කන්න ආවෙ.. මහපොලවෙ හැදෙන දේවල් තමුසෙලට විතරක් නෙමෙයි.. අපිටත් අයිතියි.. තමුසෙල ඒ සේරම තනියම කෑවම අපි කන්නෙ තමුසෙගෙ ඇට දෙකද...
මීය කියන කතාවෙ ඇත්තක් තියන හින්දයි, මූ එක්ක කතාවට ගියොත් නිකං ඇදගෙන නාන්ඩ වෙන හින්දයි මම කටවහන් හිටිය...
No comments:
Post a Comment