Friday, April 5, 2019

නොමිලේ බ්‍රැන්ඩි බෝතලයක් බොමුද......??

මම වැනි උපන්දා සිට අමාද්‍යප පුද්ගලයෙකු මෙවැන්නක් ලියන්නේ ඇයිදැයි මෙය කියවන ඔබ මහත් විමතියට පත්වන බව මම දනිමි...... නමුත් සුරාවට ලොල්වූ බේබදු යාලු මිත්‍රයින් රැසක් මට සිටින බැවින් උන්ගේ මතු ප්‍රයෝජනය තකා මෙවැන්නක් ලිවීමට සිතිමි........

මේ උදාවෙන්නේ අවුරුදු සමයයි......
මා වැනි මත්පැන් විරෝදීන්ට එහි අමුතු වෙනසක් නැති උවද මගේ බේබදු යහලුවන්ටනම් එම කාලය මහත් වටිනා කාලයක් බව මම දනිමි.... දැන් මේ රටේ අරක්කු මිල දුප්පතාට දරන්නට බැරිතරම් ඉහළ ගොස් ඇති බවත් එබැවින් වෙනදාට බෝතලයක් අරගන්නා එකා බාගයක් හෝ කාලක් මිලට ගෙන සැනසීමට පුරුදු වී ඇති බව මගේ බේබදු මිත්‍රයෙකු මා හා පැවසීය......

ඔහු එය පැවසූ දුක්ඛදායක ස්වරූපය කොතෙක්ද යත් එයින් මගේ හදවත සසල වී ගියේය........ සොවින් කම්පාවී ගියේය........
මෙවන් දුකටපත් දුප්පත් ජනතාව වෙනුවෙන් යමක් කළ හැක්කේ කෙසේදැයි එකඟ කර ගත් සිතින් යුතුව, නිසල කර ගත් මනසින් යුතුව සිත මෙහෙය වූ මගේ සිතට මෙවැනි සම්යක් ප්‍රයෝගී උපායක් කල්පනා විය.......... හැබැයි මිතුරනි..... තොපි මේ උපාය බාවිතා කළ යුත්තේ අතේ සතේ නැති වෙලාවට බොන්න හිතුනොත් පමනය...... අනෙක් කාරනාව උඹලා මේ ක්‍රමය නිතර බාවිතා නොකළ යුතුය.............. උඹලා මේ උපදෙස් හරි ආකාරයෙන් පිලිපැද්දොත් නොමිලේ බ්‍රැන්ඩි බෝතලයක් බොනවා යනු කිරි කජු කන්නා සේ පහසු වැඩකි.........

මා මිත්‍රයෙකුගෙන් අසා දැනගත් පරිදි ප්‍රෑන්ක්ලින්, රිස්ට් හා හැනපියර් නමින් බ්‍රැන්ඩි වර්ග තුනක් තිබේලු..... ඒවායේ මිලගනනුත් සමානලු...... මෙම උපාය සාර්තක කර ගැනීමට නම් සෑම විටම සමාන මිලින් යුතු වර්ග මොනවාද යන්න ඔබ දැන ගත යුතුය.... වැඩේ පහසු වන්නේ එවිටය..........................

පලමුව දත් මැද මුව සෝදා හොඳ පිරිසිදු ඇඳුමක් ඇඳ මත් පැන් විකුනන තැනකට යන්න... එම ස්තානවල ඉහලින් මොකක් හෝ නමක් දමා වයින් ස්ටෝර්ස් යනුවෙන් බෝඩ් ලෑලි යොදා ඇති බවත්, සෑම නගරයකම වාගේ එවන් තැන් දෙක තුනක් ඇති බවත්, එම නාම පුවරු කොලපාට බවත් අකුරු සුදුපාටින් ලියා ඇති බවත් මිතුරා මා හට පැවසිය......... එම ස්තාන බාර් යනුවෙන් හැඳින්වෙන බවද ඔහු පැවසිය.....

ඔබ එවැනි බාර් එකක් ලඟට යන්න.......

දැන් මද සිනාවකින් මුව සරසාගෙන හොඳ පුරුදුකාරයෙකු මෙන් කෙලින් බලාගෙන කවුන්ටරයට යන්න...... එහි සිටින පුද්ගලයා දෙස මද සිනාවක් පා සෘජුව බලන්න......

මොනවද මහත්තයො ඕනි?? එවිට කවුන්ටරයේ සිටින්නා ඔබෙන් අසාවි..........

එවිට ඔබ මෙසේ පවසන්න....

හැනපියර් බෝතලයක් දෙන්න.....

එවිට ඔහු ඔබට හැනපියර් බෝතලයක් ලබා දෙනු ඇත.........

දෙදාස් තුන්සීයක් දෙන්න......... ඔහු ඔබට මිල ගනන් දන්වනු ඇත..... ( මෙම මිල මා උදාරනයක් ලෙස ගත් මිලකි... සැබෑ මිල කුමක් දැයි මම නොදනිමි.)

එවිට ඔබ සෘජුව ඔහු දෙස බලා ෆ්‍රෑන්ක්ලින් බෝතලයක් කීයදැයි අසන්න......

දෙදාස් තුන්සීයයි......

ඔහු ඔබට පිලිතුරු දෙනු ඇත........

එහෙනම් මේක අරන් මට ෆ්‍රැන්ක්ලින් එකක් දෙන්න..... යනුවෙන් ඔබ ඔහුට පවසන්න......
බාර් එකේ කට්ටිය පෝලිමේ සිටින්නේ නම් මේ මොන වෛශ්‍යාවගේ පුත්‍ර රත්නයක් දැයි යන බැල්මෙන් ඔහු ඔබ දෙස බලනු ඇත.. එය ගනන් නොගන්න..... ඔබේ අවසන් අරමුනවන නොමිලේ බෝතලයක් ලබා ගැනීම ගැන පමනක් සිතන්න......

එවිට ඔහු ඔබ අතැති හැනපියර් බෝතලය ගෙන ඔබට ෆ්‍රෑන්ක්ලින් බෝතලයක් දෙනු ඇත..........

ඔබ එය අතට ගන්න....
සෙමෙන් ආපසු හැරෙන්න...
කිසිවිටෙකත් කලබල නොවන්න.....

මහත්තය සල්ලි දුන් නෑ නේද....??

එවිට ඔහු කලබලයෙන් අසාවි....

නමුත් ඔබ කලබල නොවන්න...........

ඇයි හැනපියර් එකයි ෆ්‍රෑන්ක්ලින් එකයි එකම ගාන නේද?? ඔබ සන්සුන්ව ඔහුගෙන් අසන්න..............

ඔහු ඔවු කියාවි.....

එහෙනම් හරිනෙ..... ඔබ කියන්න.......

ආපසු යන්න හැරෙන්න......

මහත්තය සල්ලි දීල යන්න.... එවිට ඔහු කෝපයෙන් හා පුදුමයෙන් පවසාවි.....

ඔබත් කෝපය මුසු බැල්මක් මුවට නගා ගන්න.... ඇයි ඕයි මම තමුසෙට හැනපියර් එකක් දීලනෙ මේක ගත්තෙ.... දෙකම එක ගානනෙ.... ඉතින් හරිනෙ...... ඔහුට එහෙම කියන්න.......

ඔහු මදක් කල්පනා කරාවි......

ඇතැම් විට ඔහු ඊලඟට මෙහෙම කියාවි..........

ඉතින් මහත්ත⁣ය හැනපියර් එකටත් සල්ලි දුන්නෑනෙ........

ඉතින් ඕයි මම ඒක තමුසෙට ආපහු දුන්නනෙ............ එවිට ඔබ පෙරට වඩාවැඩි කෝපයක් මවාගෙන කියන්න..........

මද වෙලාවක් ඔහු දෙස කෝපය මුසු මුහුනින් බලා සිට ආපසු හැරී සන්සුන් ගමනින් ආපසු ගෙදර එන්න..........

ඔබගේ බේබදු මිතුරෙකුත් හවුල් කර ගෙන නොමිලේ ලැබුනු බ්‍රැන්ඩි බෝතලය රසවිඳින්න......... මතක් කරල සෝඩ හරි අයිස් වතුර හරි දාල බොන්න..... අයිස් වතුර එක්ක බොනවනම් ගොඩක් හොඳයි.... ඒක සෞඛ්‍යට හිතකරයි...................😀😀😀👍👍👍👍👍


1 comment:

  1. දැනුවත් කරාට මගෙන් රා ලබ්බක්

    ReplyDelete