අපේ Cathura Lakshitha මැතිතුමාගෙ පොස්ටුව කියවද්දි පරන සිදුවීමක් මතක් උනා... මේකත් නැටුමක් ගැන... ජීවිතේට ප්‍රසිද්ද වේදිකාවක නටපු එකම නැටුම ගැන... නැටුම ගැන කිවුවට මිත්‍රවරුනි/ මිත්‍රවරියනි (එහෙම නොකිවොත් රෙදි කරට අරන් එන්නෙ අමතක කලා කියල) ඇත්තටම නැටුම් පුහුනුව ගැන තමා කියන්ඩ වෙන්නෙ... හුදී ජනී ජනයාගෙ හිත සුව පිනිස නම් ගම් මනක්කල්පිතව යොදල සමහර දේවල් නොකියම ඉන්ඩත් වෙනව... ඒකට තරහ වෙන්ඩ එපා.......
ඉස්කෝලෙ යන කාලෙ ඉගෙනීම හැර අනෙක් සියලුම දේවල් කරන්න අවස්තාව ලැබුන ග්‍රහ යෝගයක් මට තිබුන.. අපරාදෙ කියන්ඩ බෑ තාමත් ඒ යෝගෙ ඒ විදියටම තියෙනව....
ආන් ඒ කාලෙ තමා මේ සිද්දිය සිද්ද උනෙත්... ළමයින්ගෙ සුබසිද්දිය වෙනුවෙන් පටන් ගත්ත අලුත් සංවිදානෙකට එකතු වෙන්ඩ ඒ කාලෙ මටත් අවස්තාවක් ලැබුන... අහම්බෙන් වගේ ලැබිල නිකමට වගේ ඒකට ගියත් ඊට පස්සෙ මං හරි උනන්දුවෙන් ඒ සංගමේ වැඩවලට සහබාගි උනේ... ඒම උනන්දු උනේ ඇයි කියල ඉතින් අමුතුවෙන් කියන්ඩ ඕනි නෑනෙ.....
කොහොමින් කොහොමින් හරි ඔය සංගමේට බැඳිල මාස කිහිපෙකින් ඒ සංගමේ පලවෙනි වාර්සික සන්වත්සරය තියන්ඩ ලෑස්ති උනා...... ඒකට එක එක කන්ඩායම් වලින් මොකක් හෝ අංගයක් අනිවාර්යෙන්ම ඉදිරිපත් කරන්න කියල නියෝගෙකුත් ලැබිල... අපි කිහිපදෙනෙක් එකතුවෙලා කතාකලා ඒ ගැන.. අන්තිමට තීරනේ උනේ නැටුමක් ඉදිරිපත් කරන්ඩ....
ගෑනු ළමයි තමයි එතනින් එහාට ඒක වෙන විදිය ගැන තීරන ගත්තෙ. අන්තිමට එයාලගෙ අවසන් තීරනය උනේ ඉංගිරීසි සින්දුවකට කපල් ඩාන්ස් එකක් කරන එක... එයාලගෙ ස්ක්‍රිප්ට් එකේ හැටියට කපල් හතරක් ඕනි....
ඕන් ඔය විදියට තමා මිතුරනි මටත් ඕකට එකතුවෙන්න ලැබුනෙ... කොල්ලො හතර දෙනා නම් පැනගෙන ආවෙ... ඒත් පරහකට හිටියෙ කොල්ලො හතරක් හොයන එක.... අන්තිමේදි වෙන කරන්ඩම දෙයක් නැති තැන අපි හතර දෙනෙකුට සිරිසඟබෝ රජතුමා වගේ හිස දන් දෙන්ඩ උනා... කවද කාපු ටකරන්ද....
කෙල්ලො හතර දෙනාගෙන් දෙන්නෙක් අක්ක නගෝල... ඒ දෙන්නගෙ අම්ම තමා නැටුං ගුරුතුමී හැටියට නිතරඟයෙන් පත් උනේ... ඒ දෙමවුපියන් ගැන කියනවනම් ඉතින් සුපිරිම කපල් එකක්.... බැඳපු මුල් කාලෙ වගේ පට්ට ලවුඑකෙන් හිටියෙ ලමිස්සියො වෙච්චි දුවල දෙන්නෙක් හිටියත්.... තාත්ත බුවා අපිව මිනිහගෙ යාලුවො ගානට දාල තමයි ආස්සරේ කලේ... ටොබැකෝ කොම්පැනියෙන් ස්කොලර්ෂිප් එකක් හම්බෙලා වගේ එකන් නිමෙන කොට එකක් ගානෙ ගෝල්ඩ්ලීප් ගැහුවෙ....
අන්තිමට ඒ මෑනියන්දැගෙ බලවත් ඉල්ලීම පරදි එයාලගෙ ගෙදර නැටුන් පුහුන්වට යොදා ගත්ත... මමත් වෙනදට වඩා හොඳට දත් එහෙම මැදල හා හා පුරා කියල නැටුන් පුහුනුවට ගියා.......
එදා අපේ ක්‍රිකට් ටීම් එක තීරනාත්මක තරඟයක් ක්‍රීඩා කරපු දවසක්... මට තාම මතකයි, උදේ ඉඳන්ම චුරු චුරු වැස්සක් ඇද වැටුන කියලත්.....
අපි හතරදෙනා ඒ ගෙදරට යනකොට කෙල්ලො ටික පුහුනුව පටන් අරන්... අපේ දෙන්නෙක් පට්ටම ක්‍රිකට් පිස්සො... උන් දෙන්න ගිය වෙලේ ඉඳන් මැච් එකේ සිහියෙන්....
කෙල්ලො ටික නැටුන් කලිසන් එහෙමත් ඇඳල... පිරිමි පාසලක ඉගෙන ගත්ත මට ඒ අවස්තාව මතක් වෙද්දි තාම හිරිගඩු පිපෙනව වගේ.... අම්මප.... අපායෙ හිටපු එකෙක් නිදාගෙන ඉද්දි දිවියලොකෙට ගිහින් දැම්ම වගේ.... අතිශෝක්තියෙන් වර්නා කරනව එහෙම නෙවෙයි මිත්‍රවරුනි ඕක තමා ඇත්තම තත්වෙ..
මැච්වෙන විදියට කපල් හතර බෙදන එක අම්මම කලා... ඕන් දැන් නැටුම පටන් ගන්නයි යන්නෙ... ඉස්සරවෙලාම කපල් එක මුහුනට මුහුනලා හිටගන්න ඕනි ඇගේ ගැවෙන නොගෑවෙන දුරින්... ඊලඟට තමන්ගෙ දකුනු අත අනික් කෙනාගෙ පිටට තියන්න ඕනි.. දැන් වම් අත දිගඇරල අනිත් කෙනාගෙ අතින් අල්ල ගන්න ඕනි.....
අවුරුදු ගානක් කොල්ලො ගොඩේ ලැජ්ජ බයට හැදිච්ච මට ඒ අවස්තාවට මූනදෙන්ඩ උනේ ඉතාම අසීරුවෙන්... මගෙ මූනත් රතුවෙලා තියෙන්ඩ ඇති සමහරවිට..... ඩග් ඩග් ගාල පපුව ගැහෙන සද්දෙ එලියට ඇහෙයි කියල බයත් හිතුන... මාත් එක්ක නටන්ඩ ආපු ලමයත් කිසි අමුත්තක් නැතුව එහෙන් මෙහෙන් ඇතිල්ලෙනව.... එයාගෙ කොන්ඩෙන් එක සුවඳක් එනව... ඇඳුමෙන් තවසුවඳක් එනව... ඒ දෙකම අතරින් ලාවට දාඩිය ගඳකුත් එනව.... නඩුව දැන් පරාද වෙයි දැන් පරාද වෙයි කියල බයේ බෑ මට... අවුරුදු දාහතක විනීත, ගුනගරුක, විනයගරුක කොලුගැටයෙකුට ඔහොම අවස්තාවකට මුන දෙන්න උනාම ඇතිවන තත්වෙ මන් උඹලට අමුතුවෙන් කියල දෙන්ඩ ඕනි නැහැනෙ මචංල........😊😊😊
ඔන්න දැන් නැටුම යනව.. වන් ටූ තී පෝ.... අගේන් වන් ටූ......
අම්ම අපූරුවට උගන්නනව.... ජීවිතේට නැටුමක් නටල නැති, නටන්ඩ වෙයි කියල හිනෙකින්වත් හිතපු නැති මට මුලදි ටිකක් අමාරු උනා වැඩේ අල්ල ගන්න.... රොබෝ කෙනෙක් වගේ අතපය ගල් කරන් ඉන්න එපා ලමයො රිලැක්ස් එකේ ඉන්න... එතකොට තමා ස්ටෙප්ස් ලස්සනට එන්නෙ..... ගුරුතුමීගෙ සමච්චල් සහගත උපදෙස් වලට වෙලාවකට මට පොලව පලන් යන්ඩ හිතුන....
පැයක් දෙකක් යද්දි මැච් අමාරුකාරයො දෙන්න ඉක්මනට නැටුම අල්ලගෙන මැච් එක බලන්ඩ ගියා.... උන් දෙන්නගෙ නැටුමෙ කියන්ඩ අඩුවක් නැති නිසා ගුරුතුමියගෙන්වත්, කෙල්ලන්ගෙන්වත් විරුද්දත්වයක් ආවෙ නෑ.... උන් දෙන්න ඉතුරු අපි දෙන්නට කුප්ප කතා කිය කිය මැච් එක බලනව.....
දැන් කෙල්ලො හතරදෙනා මාරුවෙන් මාරුවට අපි එක්ක නටනව... ඒකත් මරු... එක එක්කෙනා ලඟින් එන්නෙ එක එක සුවඳවල්.... මගෙ නහයත් ඉතින් ඒ කොයි සුවඳටත් කැමැත්තෙන්.... වැඩේ ටිකක් අල්ලගෙන තිබුන හින්දයි, නඩුව පරදින්නැති වෙන්න හිත හදාගෙන හිටපු හින්දයි ලැජ්ජ බය ටික ටික අඩුවෙලා තිබුනෙ.....
ඒ අතරෙ පුංචි බ්‍රෙක් එකක් ලැබුන, වතුර බොන්ඩ චූ කරන්ඩ.... මං අනික එක්ක මෙහෙම කිවුව.....
බලහන්කො බං අපිට තාම මේක අල්ලගන්ඩ බැරි උනානෙ... අරුන් දෙන්න නම් මැච් එක බලනව ......
මම නම් වැඩේ අල්ලගෙන තියෙන්නෙ.... ඒ උනත් ආයෙ මේවගෙ ආතල් එකක් හම්බෙන් නැති හින්ද හිතලම වරද්දනව... මැච් නං කවද බලන්ඩ බැරිද බං......
යාලුව ආන් එහෙම උත්තරයක් දුන්න.....
ඉන්ටෝල් එකෙන් පස්සෙ මටත් කලින් හරිගිය තැනුත් වරදින්ඩ ගත්ත...
මැච් නං කවද බලන්ඩ බැරිද බං....
No comments:
Post a Comment