Thursday, April 11, 2019

මේක කලින් දවසක හැන්දෑවක උන සිද්දියක්.. 

ඔන්න ඉතිං මම වෙනද වගේ වැඩ ඇරිල එනව මගෙ යකඩ අස්සයගෙ පිටේ නැගල.. 
ඒක වෙන්දේසි වත්තක් මැද්දෙන් යන අඩි 12 පාරක්.. දැන්නම් තාර දාල.. පාර දෙපැත්තෙම කානු.. කුනු වතුර පිරිච්ච.. පල් ගඳ ගහන.. රාජගිරයයි IDH හන්දියයි අතර...
ඈතිං එනව ලස්සන ලමිස්සියක්.. ඉස්කූටරෙත් පැදගෙන.. සීට් එකට නොරිදෙන්න පස්ස තියාගෙන.. දියට දාපු හංස දේනුව වගේ.. ලස්සන සුදු කෙල්ල.. ඩෙනිම හිරට ඇඳල.. උඹල වල් විදියට එහෙම හිතන්න එපා ඕං......
එයා ඒ පැත්තෙන් එනව... මම මෙහෙන් යනව.. අපි අතරෙ පරතරය අඩ 20ක් 25ක් තියෙද්දි මැද්දෙන් ත්රී වීල් එකක් පාරට රිවස් කරනව.. ඌ එහෙ බැලුවෙත් නැහැ... මෙහෙ බැලුවෙත් නැහැ.. උගෙ අම්මගෙ පාරක් වගේ.... ( උගෙ අම්මගෙද දන්නෙත් නැහැ..)
මම නවත්ත ගත්ත.. ඒත් අර දැරවි එනව.. දැන් ත්රී වීල් එක ලඟ මයි ගැනු ලමය.. ඌ කෙල්ලව තාම දැක්කෙ නැහැ.. ඒකිගෙ හිතෙත් නවත්තන අදහසක් නැහැ.. ගැනු කොහොමත් යන්න ගත්තම නවත්තන සිරිතක් නැහැනෙ අපි වගේ...
අර පොල් බූරුවත් මගෙ දාහා බලාගෙන මෝඩ හිනාවක් දාගෙන රිවස් කරනව... දැන් වදින්න ඔන්න මෙන්න... මම හයයෙන් හෝන් එකක් ගැහුව... මොන....
දඩිං.. බිඩං... ඩෝන්............
බයිසිකලේ බිම... කෙල්ලත් බාගෙට බිම.. එහා පැත්තෙ කානුව... ඊලඟට තාප්පෙ....
පොල් බූරුව එතකොට තමයි දැක්කෙ එහාපැත්තෙනුත් බයිසිකලයක් ආ වග....
ඌ බය වෙච්ච පාරට වීල් එක ආයෙම වත්ත ඇතුලටම දැම්ම...
මමත් සෙනිකවම බයික් එ⁣ක ස්ටෑන්ඩ් කරල බහිනකොට මටත් නොදැනිම කුනුහරප දෙකතුනක් කියඋනා ටිකක් සද්දෙට.... මට කොහොමත් වීල් එලවන ප- යලව පේන්න බැහැ... දැන් අවුරුදු 11 ක් තිස්සෙ යකඩ අස්සය පිට යන මගෙ ජීවිතේ 99%න් බේරුන අවස්තා 99 කටත් වැඩියි මුංගෙ -කේ සිග්නල් දැමිලි හන්ද....
කෙල්ල තාප්පෙට හේත්තු වෙලා බලා ඉන්නව අන්ත අසරන විදියට.. සුදු මූන රතු වෙලා... මගේ පපුව හෝස් ගාල ගියා.. වැඩිය දැඟලුවොත් කුනු කානුවෙ..
අර බූරුවත් දුවල ඇවිත් ඉස්කූටරේ උස්සන්න ලැහැස්තිය.. මගෙ කටින් තාම සුද්ද සිංහල දෝරෙ ගලනව....
කෙල්ල උස්සන්නැතුව බයසිකලේ උස්සන්නත් බැහැ.. බයිසිකලේ උස්සන් නැතුව කෙල්ලව උස්සන්නත් බැහැ... ඒ⁣ ලමයගෙ කොතනින් අල්ලල උස්සන්නද කියල මට හිතාගන්නත් බැහැ..... ලැජ්ජ බයට හැදුන කොල්ලොනෙ අප්ප...
සිසිවන උවන ඉඟ සුඟ ගතහැකි මිටින......
තව පොඩ්ඩෙන් අහුවෙන්නේ තිසර තන.......
ඉතිං මම අල්ලන් නැතුව එයාටම එල්ලිලා නැගිට ගන්න අත දික්කලා.... පොල් බූරුවත් ඒ අතරෙ ඉස්කූටරය කෙලින් කලා.....
මොහොතකට මම නඩු අහන විනිසුරෙක් උනා...
මම දැක්කෙ නැහැ මහත්තයො මේ ලමය එනව....
මම හිතුවෙ නැහැ මෙයා එකපාරටම පස්සට ගනී කියල...
පිරිමි පස්සට ඉසිසරහට ගන්න විදිය කොහොමත් උඹලට තේරෙන්නෙ නැහැ කෙල්ලෙ කියල කියන්න කටට ආවත් මම නොකිය හිටිය...
පොල් බූරුවටත් ඔලුව කහ කහ අහන් ඉන්න දෙක තුනක් කිවුව....
ආයෙ මේවගෙ හැප්පෙයි කියල හිතන වෙලාවක් ආවොත් මෙන්න මේක මිරිකන්න නංගි කියල පස්සෙ බ්රේක් එක පෙන්නුව....
දෙන්නගෙ අලාබ දෙන්න විඳගන්නවලු....
මටත් මොකද.. මමත් ආව...
මේ ටික කියුවෙ කාටවත් උන විපතකින් ආතල් එකක් ගන්න නෙමෙයි...
ත්රී විල්, බයික් පදින හැමෝම ටිකක් වැඩි අවදානයකින් පාරෙ යමු.... එතකොට අවදානම අඩුකරගන්න පුලුවන්....
කාගෙ කාගෙත් දත් සෙට්, බෝල සෙට් ආරක්සා කොරගන්නත් පුලුවන්..............🏍🚗🚕🚙🚎🏎🚓🚘🚲

3 comments:

  1. අයියෝ... ඔය දෙපාර්ශ්වය ම පාරෙ යන විදිය නිසා මටත් හරි හරි වැඩ වෙලා තියෙනව.

    ReplyDelete
  2. අනේ මල්ලි! ඊට පස්සෙ උඹ සයිකල් පැද්දෙ නැද්ද? නැංහ්නං ඒ කෙලි පොඩිත්ති සයිකල් පදි නැතුවද? උඹලා දෙන්නා එක පාරෙ යන්නැතුවද මෙතනිං එහාට මුකුත් ලියලා නැත්තේ?

    ReplyDelete