මංගල තෑග්ග...

කලකට ඉහතදීය.. කඩවතින් ගමන් ඇරඹු මෝටර් රථයකි.. ඒ තුල තරුණ සත්ගුණවත් මහත්වරු හතර දෙනෙකි.. ගමනාන්තය කුරුණෑගලට මදක් ඔබ්බෙනි.......

හතර දෙනා කලක් එක් බත් පත කෑ උන්ය.. ඔවුන්ගේ තවත් මිතුරෙක් ලඟදී විවාපත් වී තිබු අතර මේ හතරකට්ටුවෙන් එකෙකුට ඒ මගුලට සහබාගීවීමට නොහැකි වූ සොවින්, අනෙක් සගයන්ද කැටුව සිය ප්‍රාන සම සුමිත්‍රයා දක්නට යන ගමනයි මේ...

පෙර සූදානම කෝකටත් හොඳ බැවින් යක්කල පුඩ්සිටියෙන් අඩුවැඩිය සපයාගත් මිතුරුතෙමේ මද්දහනට හෝරාවකට මත්තෙන් සිය ගමනාන්තයට ලඟාවිය.....

හැබෑවටම සුන්දර ගම් පියසකි.. ගමේ කම අපූරුවට සුරැකී තිබුනි.. සිංහල උලු සෙවිලිකල ගෙයකි.. සුවිසාල මිදුලකි.. මිදුල කෙලවර තුරු ගොමු සෙවනේ වෙල් එලිය සිප එන මද නල සිසිලේ මී විත බඳුන් හිස්වෙයි.. ස්‍රතියෙන් පිට ගීත වැලකි... නෑඹුල් මනාලියගේ ආලවට්ටකමි පිරුනු ආගන්තුක සත්කාරයයි.....

සැඳැ සමය එලඹුනෙන් මිතුරු කැල නැවත ගමනට පිටත්විය... සැතපුමකටත් අඩුවෙන් නැවත නැවතුමකි.. වෙල අසබඩ පුංචි කඩයකි. මද පවනේ සිසිල විඳිමින් දුමක් අදින්නට කදිම තැනකි....

මුදලාලියා තට්ටයෙකි.. බඩෙකි.. හේ තම විමසුම් දෑස තරුණයන් කෙරෙහි රැඳවිය..

මේ මහත්තුරු මේ පලාතෙ නොවෙයි මගෙ හිතේ....

නැහැ මුදලාලි අපි කඩවත පැත්තෙ...

බෑරක් යන ගමන් වෙන්ඩ ඇති......

ඔවු මුදලාලි අපි මේ පැත්තට පොඩි උවමනාවකට ආව... මුදලාලි මේ ගම් පලාත ගැන විස්තර දන්නව ඇති නේද....

මොකෝ මහත්තයො මන් නොදන්නෙ.. මේව අපේ උපන් ගං නොවැ...

මුදලාලි මේ පැත්තෙ ඉන්නවද ------------- ------------ කියල කෙනෙක්.....

අපොයි ඔවු මහත්තයො.. මේ කිට්ටුව... මහත්තෙල ඒගෙවල් පහුකරල නොවැ ඇවිත් තියෙන්නෙ......... අපේ ----------------- මහත්තයගෙ පුතා නොවැ ඔය.... ටිකක් දුරින් නෑයොත් වෙනව..... ඇයි මහත්තය ඒ පැත්තෙ යන ගමන් පාර වැරදුනාවත්ද.........

නැහැ නැහැ මුදලාලි.. අපි මේ වෙනින් ගමනක් යන ගමන් ටිකක් හොයල බලන්න කියල ආවෙ.......

හොයල බලන්නැයි කිවුව... ඒ මොකද මහත්තයො......

දන්නැද්ද මුදලාලි ඉතිං... ඒ මහත්තය තමයි අපේ නංගිව බඳින්න ඉන්නෙ... දැන් මාස දෙක තුනකින් ඒ පැත්තෙ ආවෙ නැහැ.. ඒ නිසා ටිකක් හොයල බලන්න ආවෙ......

(මුදලාලිගේ පෙනුම අඤ්ඤකොරොස් විය.. ඇස් දෙක නලලේය... කට ඇරී ඇත.. ඇස් වල නරි බැල්මකි....... ඉතා වටිනා තොරතුරක් සොයාගත් සතුට ඔහුට සඟවා ගත නොහැකි බව පෙනෙයි....)

වෙන්ඩ බැහැනෙ මහත්තයො.. ඒ ලමය කසාද බැන්දෙ ගියමාසෙනෙ...

එහෙනම් මුදලාලිට වැරදිලා.. අපි හොයන කෙනා කොළඹ වැඩකරන්නෙ.... රතු පාට කාර්එකක් තියෙනව... මේ පැත්තෙ කියුවට අපිත් හරියටම තැන දන්නැහැ...

නැහැ නැහැ මහත්තයො මම කියන්නෙත් ඔය කියන කෙනාම තමයි.. මොකෝ මං නොදන්නෙ.. අපිත් ගියා නෙව මගුලට... නුවරින්නෙ බැන්දෙ.... රතුපාට කාර්එකක් තමයි තියෙන්නෙ... ගෙදර එකම කොල්ලනෙ....

මුදලාලිට හොඳටම සුවර්ද....

සුවර්ද කියලත් අහනව.. මොකෝ මන් නොදන්⁣නෙ..... කවුද අප්පේ දන්නෙ මේ කොල්ල මෙහෙම දෙයක් කොරයි කියල..... දැන් ඉතින් මහත්තෙල මොකෑ කොරන්නෙ....

මොනව කරන්නද මුදලාලි... අපේ එකී අපිට වැඩි නැහැ... කපල ගඟේ මුහුදෙ දානව හොඳයි මේ වගේ ගංකබරයින්ට දෙනවට වැඩිය.. මටත් සැකයක් තිබුන ඕක එකපාරටම නෑවිත් මගඅරිනකොට... ආයෙ ආවොත් උගෙ මිනිය තමයි ගමට එවන්නෙ..... ගනින් මචං කාරෙක... උගෙ අම්මට හැ-----=--=--- වේ-- පුතා......

යන්නම් මුදලාලි....

මිතුරුතුමෝ දුක සැප දෙකෙහිම පැවතී.........
බිතු සිතුවම් රූ මෙන් පිටු නොපාවිතී..........